भदौ २१ - उर्जामन्त्री राधा ज्ञावलीले
भारतसँग भएको उर्जा ब्यापार सम्झौता अर्थात पिटिएले मुलुकमा विकासको ढोका
खोलेको बताउनुभएको छ । रिपोर्टर्स क्लब नेपालले शनिवार आयोजना
गरेको साक्षात्कारमा उहाँले एमाओवादीसहित सबै राजनीतिक दलहरुको सहमतिमा
पिटिए गरेको जानकारी दिँदै यो सम्झौतापछि नेपालको उर्जा विकासमा भारतसहित
चीन र दक्षिण एसियाको लगानीको ढोका खुलेको बताउनुभयो ।
उर्जामन्त्री ज्ञावलीले उर्जा उत्पादन
मात्र भन्दा पनि त्यसलाई विक्री पनि गर्नु पर्ने भएकोले सम्झौताले उर्जा
क्षेत्रमा निजी क्षेत्रको लगानी समेत आकर्षित हुने विश्वास ब्यक्त गर्नुभयो
। सचिव स्तरमा गरिएको उर्जा ब्यापार
सम्झौतालाई अब बस्ने पहिलो मन्त्री परिषदको बैठकले अनुमोदन गरेर संसदमा
पेश गर्ने जानकारी दिँदै परियोजना विकास सम्झौता अर्थात पिडिए पनि गर्ने
तयारी भईरहेको बताउनुभयो । ज्ञवालीले लाईसेन्स लिएर उत्पादन नगरी
झोलामा खोला बोकेर हिड्नेको लाईसेन्स रद्द गर्न अख्तियारले दिएको निर्दैशन
यथाशिघ्र चाँडो कार्यान्वयन गर्ने उहाँले बताउनुभयो ।
