भदौ २२– सिन्धुपाल्चोकमा
पहिरोले थुनिएको सुनकोशी नदीमा बनेको कृत्रिम ताल फुटेको छ । आइतबार
एकाबिहानै ताल फुटेको सिन्धुपाल्चोक प्रहरीले जनाएको छ । घटनास्थलमा रहेका
प्रहरी निरीक्षक राजकुमार थापाका अनुसार ताल बनेको पानी एकैपटक बग्दा
सुनकोशी नदीमा बाढी आएजस्तै गरी ठूलो पानी बगेको छ । ताल फुट्दा मानवीय क्षती नभएको, तर भौतिक
क्षती भने भएको प्रहरीले जनाएको छ । नेपाली सेनाले ताल फुटाउन प्रयोग गरेको
गाडी बगाएको छ । तल्लो क्षेत्रका बासिन्दालाई उच्च सतर्कता अपनाउन आग्रह
गरिएको प्रहरीले जनाएको छ ।
प्रहरीका अनुसार बिहानको तुलनामा अहिले नदीमा पानीको सतह केही कम भएको छ । तर खतरा टरिनसकेको प्रहरीले जनाएको छ ।
